أنــــا + البريد الالكتروني = ؟

:

السلام عليكم

:

مساء مفعم بالبركات ونسيم الاذكار

:

وش اخباركم  …

من فترة زمنية طوووويلة جدا  …وانا لا افتح الايميل

ولا الماسنجر  …  الا لتفعيل اشتراك او خلافه

وكثيرا ما اجلس بين الاصحاب والاحباب

ويقولووون يا اياد ارسلنا لك في الايميل وجاكم الايميل الفلاني

ثم يتكلمووون في الايميلات المرسلة فيما بينهم  وانا

مثل الاطرررش في الزفه  … وقرررت اخيرا  ان افتح الايميل

والقي نظرة سريعة فوجدت  ستة الالاف رسالة  او اكثر

فحذفت كل الرسائل لابدا من جديد  …فاهلا بكم  …. ههههه

طيب وش  الاسباب  …  يا اياد  من عدم فتح الايميل

1- الايميلات المتكررره  اكثر من مائة واحد يرسلون نفس الرسالة

واللي يقهرك اللي يغير العنوان   على اساس غير شي وجاب الاسد من ذيله

2- واخرين يرسلووون مقال من صفحتين  ويقولك اقرا لا يفوتك .. واذا فات وش يصير يعني

3- وثالث  متخصص بانشر تؤجر  … وخذ من الاحاديث الضعيفة ..اقول الله يعين المسلمين

4- ورابع يرسل  معلومات  غير متأكد منها .. ويربطها بالقران الكريم  شي غريب

5- وخامس  يرسلك مقطع فيديو بايخ .. والعنوان  مقطع يموت من الضحك ..يا السخافه

6- وسادس يقول انشرها الى  عشرة  عندك  والا بصير لك مصيبة  ؟؟؟

7- وسابع  مجمع كم موقع … وكاتب  مواقع تهمك  .. وش دراك انها تهمني

8- وثامن  وتاسع وعاشر …. اتركها لكم ….

:

ومع هذا كله  قرررت اتابع الايميل  …. والله يعين  …

:

وفقكم الله

:

12 تعليق to “أنــــا + البريد الالكتروني = ؟”

  1. بنت الثلاثين Says:

    كل الايميلات اللي ذكرتها مصيرها عندي (ديليت ) مااتعب نفسي وافتحها
    الله يعين

  2. شاب طموح Says:

    ستة الا ف رسالة .. ومافكرت تقرا وحده منهم في وقتها ..
    بس مالومك والله .. دام الرسايل من قوم .. انشر تؤجر .. والا بتصير لك مصيبه .. ومن قوم مواقع تهمك ..
    انا مثلك الرسايل اغلبها حذف .. لكن القليل منها اتابعه اذا كان من شخص معين واعرف نوعية رسائله .. او من احد القروبات مثل شبكة ابو نواف .. نادر اني امسح رسالة من القروب هذا وماقريتها الا اذا كان العنوان لك عليه ..
    الله يعينك على القادم ..
    تحياتي استاذي .

  3. فن ~ Says:

    صدقت ، مثل هذه الرسائل تنقل مباشرة إلى الرسائل المحذوفة بلا أدنى تفكير ،
    إلا إذا اتضح من العنوان رقيّ الرسالة ..

  4. عبدالعزيز Says:

    السلام عليكم و رحمه الله و بركاته

    شي جميل انا عندي نفس المشكله لدرجه اني صرت ما اعطي ايميلي لاحد ابد خخخخخخ
    و الي يرسل لي شغلات مثل هذي ارد عليه و اقول “رساله كم هالنوع زياده و بعطيك بلوك ما فتحت لي ايميل للفاضين يرسلون عندي شغلات اهم اتابعها”

    و اسويها و اعطيهم بلوك الي يعاندون و الي يقول ليه بكل بساطه اقول له “لانك فاضي و انا مو فاضي اتابع ورى السخافات الي تتابعها”

    و مشى الحال معاي قلت الرسائل بنسبه 80% ههههههههههههه

  5. هنا أنا..eyad Says:

    ياهلا …بكم

    اشكر لكم هذا الدعم المتواصل

    :
    شكرا بنت الثلاثين
    شكرا شاب طموووح

    شكرا فن

    شكرا عبد العزيز
    :

  6. ورقـ ملونـ Says:

    أوووهـ .. الإيميل من الأولويات عندي ..

    ^^

    وأول شي اتصفحه مع مدونتي وفليكري

  7. هنا أنا..eyad Says:

    اهلا بك …يا ورق ملووون

    شيئ جميل ان الانسان يعرف

    الهدف من دخوله الانترنت

    وفقك الله

  8. S.M.G Says:

    ألله !!
    6000 ماشاء الله
    تصدق إنه في ناس ما صدقت تجيهم رسالة وحدة في الأسبوع
    حتى ولو كانت من الشركة

  9. حنــ الروح ــايا Says:

    صدقت

    يمتلى صندوق البريد برسائل لا تعرف ما هدفها

    مجرد

    إعادة توجيه

    لا و كل واحد يركض يرسل

    و تغيضني اللي مكتوب فيها

    إذا لم تنشر يصيبك و إن نشرت سيأتيك

    و كأنهم اتخذوا مع الله عهداً

  10. هنا أنا..eyad Says:

    اسامي يا هلا بك ومليووون مرحبا .. وينك من زمان عنك
    … ومبروك دخولك عالم الفيس بوك …

    اللي يتمنى راسلة مستعد احو ل له ههههه

    :

    حنايا الروح ….

    اهلا بك نورتي المدونة

    اشكر مرورك
    واعجبتني مدونتك

    وفقك الله

  11. mr.skull Says:

    السلام عليكم اتوقع الحركة عند كل من عندة ايميل وانا سوية نفس الحركة السوية

  12. هنا أنا..eyad Says:

    وعليكم السلام
    :
    وش نسوي يا نواف
    :
    بعض الرسائل هم على القلب

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s


%d مدونون معجبون بهذه: