أشــيــاء تـــرفـــع الضـــغـــطــ … } ج1

:

السلام عليكم

:

مساء  الخير والبركة والرحمة

أسال الله  عز وجل   خير هذه الرياح

دعاء الريح

اللهم إني أسألك خيرها وخير مافيها وخير ما أرسلت به

وأعوذ بك من شرها وشر ما فيها وشر ما أرسلت به

:

اليوم ناوي اكتب عن بعض التصرفات  اللي ترفع الضغط

ومن أهمها  :

شوارع الدمام .. والزحمة  وابشع ما  أراه

عندما تكون بالسيارة وناوي تلف وصاف

بترتيب ونظام  .. وما تشعر الا  واحد داخل غلط

ويبغى يلف قبل الناس .. وبكل عباطه وعدم احترام للاخرين

ويسقط عليهم … مثل القضاء المستعجل  ..ويعفس الناس

..وبلا مبالاة وبغرور وعنجهية ( ما ادري من وين جابها  )🙂

هذا من المناظر المتكررره  يوميا  .. والمرور .. نايم بالعسل

عجبني بالخبر … انهم وضعوا عند كل ملف  ..أعمدة تمنع

تجاوز  الاخرين … واحتقارهم … ورفع ضغطهم

:

اما الشيئ الثاني … اللي يرفع الضغط  .. عندما تريد

بعض النساء عبور الشارع …

فترى أن  الحريم ثلاث أنواع  في عبور الشارع

:

النوع الأول : الصاروخي .. تعبر ولا تنظر

لا يمين ولا يسار  .. وعلى بالها  أن  كل السيارات

ستقف لها .. اجلالا  وتعظيما   .. ( قمة البلاهة  )

النوع الثاني :  خطوتين قدام وخمس وراء …

يعني من زود الخوف  ..ما هي عارفه تعبر

لا والمشكلة اذا كانت معاها عربية أطفال

وشوية بزارين  .. ما تدري تمسك العربية

والا  العيال  ..والا العبايه .. ( تكسر الخاطر )

النوع الثالث : المسكينة . . وهي اللي يقف لها

واحد من الناس .. على اليمين  .. والخط اللي على اليسار

السيارات ماشية بكل سرعتها  .. .

وهي على بالها ان  الطريق فاضي قلت لكم مسكينه

:

من الاشياء اللي ترفع الضغط

مراجعة الدوائر الحكومية

فانت ما تعرف وش الاوراق اللي

يحتاجونها .. يبغون ملف والا بدون

اصور بطاقة العائلة والا لا !

كم صورة يبغون؟

وبالاخير  … تروح

لاقرب بوفية  … ..لاحظتم بوفيه

وتلقى عنده الطلبات كلها

ويسوي لك  الملف

ويصور الاوراق

ويقولك ..اذا  في مشكلة

انا معلوم واسطه .ههههه

يعني المواطن  مش عارف

والهندى بالبوفيه .. ..

حافظ النظام  …شي يرفع الضغط

:

وسلامتكم


11 تعليق to “أشــيــاء تـــرفـــع الضـــغـــطــ … } ج1”

  1. فيصل الحزامي Says:

    السلام عليكم بوسلمان
    الأولى هذي مشكله أزليه من أيام كانو الناس على الحمير والخيول وهم يساقطون على بعض ويرفعون ظغط بعض ويقوم البكس بالخيازرين والنباطات …..الشكوى لله
    والثانيه وهي الحريم آاااااااه ياحريم مو يرفعون الظغط مو يجيبون السكر يا شيخ يخلونك تتمنى تعيش بجزيره لحالك لأنهم أتوقعع يستمتعون برفعت ظغطك أو إنفجاره وبعدين بكل سهوله تقولك وأنت في عز ثورت بركانك (أنا شدراااااني ما أنتبهت) والله ياشيخ ما سوت علينا وصيت الرسول صلى الله عليه وسلم فيهم إستغلوها شر إستغلال.

    والدوائر الحكوميه ياسيدي الكريم راح أقولك شغله وحده(مالك إلا خشمك …..)وطبعا ما راح يتعدل خشمك لو تسويله مليون عمليه تجميل.
    وسلامتك

  2. هنا أنا..eyad Says:

    وعليكم السلام هلا والله ..يا فيصل
    :
    نورت المدونة
    :
    يعني المشكلة ما لها حل ….
    :
    ههههههه اما الثانيه ..لا تعليق ..موافق موافق موافق .ههههه
    :
    والثالثة ..ما فيه أمل ….. يعتي اغسل ايدي .. بالماء والصابون
    :
    حياك الله

  3. بنت الثلاثين Says:

    ليه ليه ليه هالحقد علينا
    يعني كلش انتوا اللي الحين ماشاء الله عليكم،

  4. هنا أنا..eyad Says:

    ههههههه…ابد والله يا بنت الثلاثين ..
    لا حقد ولا شي ..هذه مجرد خواطر ..ههههههه
    :
    وبعدين في الحالة الاولى خاصة بالرجال
    والحالة الثالة بالدوائر الحكومية والغالبية رجال …
    :
    ولك ان تلاحظي …. عبور النساء للشارع وانت الحكم
    :

  5. عبدالعزيز Says:

    السلام عليكم

    تصدق ضيقت صدري يا خالي العزيز

    انا ناسي الشغلات هذي من زمان
    الحين ذكرتني اني اذا رجعت برجع اشوف الاشياء هذي
    مابي اتخرج هونت بقعد هنا

    خخخخخخخخخخخخخخخخخخ

  6. شذى الخزامى Says:

    خخخخخخخخ
    يالله … والله أنكم تووووحفه أنت و أخ فيصل
    خصوصاُ سالفة الحريم .. أحسسسسن خليهم ياخذو حقنا منكم شوي <<:mrgreen:
    :
    :
    لكن والله جد … يعني أنا بعد يرتفع ضغطي يوم يمرون كذا… خصوصاُ قدام أخوي .<< أغار يعني ذذذ
    … طيب أفرضي أن السياره ماشافتك .. أو ما عندها فرامل … أو ما يمديه أصلاُ يهدي … تبلشين العالم فيك ليييييش ؟؟!!!

  7. قلم الظل Says:

    والله فعلاً أشياء تقهر بس بالرياض مابه شيء يقهر
    أكثر من زحمة الدائري لانه 24 ساعة زحمة
    —-
    إذا كنت أبي أدوير وماسك طابور يجي واحد من اليمين يدخل علي

    هذا أهم شيء يقهرني 🙂

  8. هنا أنا..eyad Says:

    وعليكم السلام .. يا عبد العزيز
    :
    ياهلا
    :
    وان شاء الله بشوف كيف تغيرت كل شوارع الدمام
    :
    ولا تدور اسباب ..علشان تقعد هناك …ههههه

  9. هنا أنا..eyad Says:

    هلا بك … يا شذى
    :
    وش نسوي
    :
    بعض الناس ما يتقبل الحقائق
    :
    وشكرا لك

  10. هنا أنا..eyad Says:

    هلا وغلا بك …. يا قلم الظل
    :
    نورت المدونة
    :
    الله يهدى هؤلاء الفئة … ( الضالة مروريا )
    :

  11. mesho KG Says:

    ملاحظة بسيطه :
    ((((النوع الثاني : خطوتين قدام وخمس وراء …

    يعني من زود الخوف ..ما هي عارفه تعبر

    لا والمشكلة اذا كانت معاها عربية أطفال

    وشوية بزارين .. ما تدري تمسك العربية

    والا العيال ..والا العبايه .. ( تكسر الخاطر ) ))))
    اقتبااااس محترم لووول
    اللي يرفع الظغط في الدوائر الحكوميه اذا جا بيكتب اسمك اووووف تروح تفطر وتقظي اغراض الأهل وتمر على المسجد تصلى الضحى وترجع وهو باقي يدور الرحف الأول من اسمك !!!

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s


%d مدونون معجبون بهذه: