رحــلـــة الكــويـت وشــويــة سوالفـــ … جزء (1)

:

السلام عليكم

:

مساء الخير عليكم جميعا

:

في عيد الفطر المبارك  عيدنا أول يوم

في دمامنا الغالية ومع الوالدة  الحبيبة والاسرة الكريمه

وفي الليل  جاء القرار المستعجل (تتتا تتتا  طن )

انني انا اياد قررت  اننا نروووح الكويت غدا  ويلا

يا أم سلما ن جهزي  الشنط والاغراض  طبعا أم سلمان

تظن أني امزح  قمت اجهز بعض الاغراض بجدية

وهي تنظر لي بين مصدقه ومكذبه   وابتسامه  تعجب

قلت يلا ترى اهووون   والغي الفكررره  ( نوع من التهديد  هع هع هع )

المسكينه  قامت على طوووول ما هي عارفه وش تبدا فيه  شنطها والا شنط العيال

والا  أدوات  فطور الصباح   ولمشكله هي تسأل هل سنذهب الى فلان وبيت فلان

قلت ليه  ..قالت لازم اخذ ملابس للخروج وملابس للزيارات   حتى الاحذية اعزكم الله

قلت  .. ايه خذي كل ما  في الدولاب  وما صدقت خبر  …

اللي يشوف شنطنا يقول مهاجرين       ههههههه

:

المهم  من بكرة بدري جهزنا السيارة وركبت الشنط

والله يعين  توكلنا على  الله    ومشينا مسافة  بعدها

عبيت بنزين  وشرينا بعض المشروبات والحلويات  وخلافه

طبعا بعد الماء والشاي  والببسي   محتاجين دورة مياه اعزكم الله

وكالعادة  اذا تبغى محطة قريبه  ما تحصل   هههههه

وبعد فترة  الحمد لله وجدنا محطة  اخيرا

والكل يريد ان ينزل  قلت لهم  انا بنزل  وقفلوا السياره

وشوي  الا سلمان  قدامي في دورة المياه  قلت وين الاهل

قال  في حمامات النساء

وركض على السياره  …

والا

ام سلمان  جزاها الله خير  نازله مع العيال

ومقفله  السيارة

والسيارة شغاله

والمفتاح  داخل

حسيت  ان الموضوع مززززح

ووقلت يا ام سلمان  وانادي داخل ددوررة المياه

طلعت ام سلمان  وشفيك  ..قلت لها  قفلت على المفتاح والسياره شغاله

ووقعت في حيص بيص موعارفه  وش تقول  … قالت انت قلت قفلواااا السياره

طبعا انا كنت اقصد قفلوا السياره عليكم     وهنا  لا ينفع العتاب  ههههههه :

:

وبحثنا على اقرب علاق ملابس ( الاداة السحريه في هذه المواقف )   ومحاولات ومحاولات

كلها فاشله

ذهبت الى البنشر   وطلبت منه المساعده  ولا حياة لمن تنادي

ثم … ذهبت  للبقاله  وطلبت مفك  ( سكروب )  ولا عطيته فلوس

وخرجت للسياررره  بسررعه  وانا ادعوا  … يا معلم داود علمني

ويا مفهم سليمان فهمني والهمني  والحمد لله استجاب الله الدعاء

وكان في اخر سيارتنا  الزجاج الخلفي  صاموله  (برغي )

ومع عدة محاولات  الحمد لله نجحت في  فتحها وتم ادخال بنتي

الصغيره  والعصقووووله جدا   من الفتحه  وفتحت لنا السياررره

وذهبت الى راعي البقالة واعطيته فلوس المفك

:

واكملنا الطريق  الى الكويت  بحمد الله  بعد تأخر  ساعة كاملة

في المحطه   ومع الاحداث    …

:

ما يستفاد  من الجزء الأول  .

1-  حاول تقرر بدري شوي يا اياد

2-  خل العيال يساعدونك في تحميل الشنط

3- لا تكثر مشررروبات في الرحلات البريه وخاصه للاطفال

4- قفل السيارة انت  ولا تعتمد على احد وخذ معك  مفتاح احتياطي

5- ان الطفل  العصقووول اكثر فائدة من المدبدب   في السفر

:

:

انتظرو الجزء الثاني

قريبا ان شاء الله

 

6 تعليقات to “رحــلـــة الكــويـت وشــويــة سوالفـــ … جزء (1)”

  1. Abdulrhman Alhuzami Says:

    خوووش سفره يا بو سلمان , الله يعوضكم احلى منها ان شاءالله

  2. شاب طموح Says:

    اما سالفة العلاق هههههههههههههه ياهي فطستني من الضحك ..
    الله يسعدك يا استاذ اياد .. ويحفظ لك مالك وعيالك ..
    الا عالى الطاري .. انت مصلي الجمعة في جامع فيصل بن تركي اليوم .؟ لأن اليوم كأن لمحتك وان طالع واذا تبي اقول وش سويت عادي .. كنت لابس شماغ احمر .. واول ماطلعت مسحت نظارتك ولبستها ومسحت على لحيتك .. وكان ودي اناديك بس كنت منشغل مع الوالد .. !! فما ادري هو انت والا لا ؟ ^_^

  3. شذى الخزامى Says:

    وعليكم من الله سلاماً ورحمة منه وبركات
    :
    آآآهاااااا يعني انتم من الناس اللي عبروا الكويت بالهوية الوطنيه !!! >
    هي الكويت ولا البحرين اللي سمحوا للمواطنين يعبرونها بالهوية ؟؟؟!!!
    :
    مااااعلييييينا … الحمد لله على سلامتكم وكل عام وانتم الى الله أقرب << على طاري العيد وكذا:mrgreen:
    فديييييتها ام سلمان تاخذ طرف الكلام …. هي صادقة والله انت قلت قفلوا !!!
    :
    في امان الله🙂

  4. هنا أنا..eyad Says:

    حياك الله ..ويا هلا يا عبد الرحمن
    والله يسمع منك ومبررروك المدونه >>>> عاجبتني

  5. هنا أنا..eyad Says:

    هلا والله ومرحبا بــ ـــ شاب طموح
    هههههه ايش نسوي هذه الطرق البدائيه عندنا ههههه
    :
    نعم انا اصلي غالبا عند فيصل بن تركي … ما شاء الله عليك مركب نظام ساهر
    هههههههههههههههههه …. المهم المرة الجايه لازم نشوفك ونسلم عليك

  6. هنا أنا..eyad Says:

    يا مرحبا شذى ….
    :
    لا والله خرجنا بالجوازات قبل القرار
    الان الكويت والبحرين بالهوية الوطنية
    :
    الله يسلمك ويعافيك
    وشكرا لك وكل عام وانت بخير
    :

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s


%d مدونون معجبون بهذه: